Luis Enrique kërcënon Verratin: Nuk do të luash kurrë me mua

Koha e Marco Verrattit me PSG ka mbaruar dhe Luis Enrique, trajneri i skuadrës parisiene ia bëri mjaft të qartë.

“Nuk do të luash kurrë me mua”, i ka thënë spanjolli mesfushorit italian që në fillim të gushtit dhe në prani të drejtorit sportiv Campos, por që atëherë ka pasur vetëm shumë zhurmë rreth Verrattit, por asgjë konkrete. Tani rruga më konkrete të çon në Katar.

Verratti nuk është jashtë skuadrës, as nuk stërvitet individualisht, por e di që nuk ka vend për të te PSG 2023/24. Vetë italiani ka nisur tashmë të meditojë një lamtumirë që në maj, por ndryshe nga sa pritej, oferta e duhur nuk ka ardhur ende dhe gjërat mund të mos shkojnë siç ishte planifikuar.

PSG-ja u pengua në negociatat me Al Hilalin për shkak të një çmimi që nuk i kaloi asnjëherë 45 milionë eurot, më pas ishte Al Ahli i cili, megjithatë, fillimisht duhet të shesë një të huaj me ndihmën e Neymar.

Megjithatë, deri më sot, objektivi më i mundshëm për Verrattin është gjithmonë në ato gjerësi gjeografike, në Katar me Al Arabin gati të paguajë 50 milionë eurot e kërkuara nga PSG dhe t’i ofrojë lojtarit një nënshkrim luksoz për ta bërë atë të pranojë një realitet që është ndoshta më pak i mirëpritur sesa në Arabinë Saudite.