Llapi mposht Ferizajn, Suhareka fundos Feronikelin ‘74

Kanë përfunduar dy ndeshjet e para të javës së gjashtë në Superligën e Kosovës në futboll.

Në sfidën kryesore të ditës së sotëm, Llapi e ka mposhtur në udhëtim Ferizajn, me rezultat 0-1.

Dueli mes këtyre dy skuadrave, ka dhuruar një lojë të kënaqshme, derisa ishte Ahmet Januzi (72’), i cili shënoi golin e vetëm dhe të fitores për llapjanët.

Pas kësaj fitore, Llapi shkon në kuotën e 10 pikëve, aq sa kanë edhe Prishtina, Ballkani e Malisheva, kurse, Ferizaj është e parafundit me vetëm katër pikë.

Ndërkohë, serinë e rezultateve pozitive e ka vazhduar Suhareka, e cila para tifozëve të saj mundi Feronikelin ’74, me rezultat 2-0.

Mevlan Zeka ishte njeriu i ndeshjes duke shënuar d golat në fitoren e Suharekës, e cila tani ngjitët në krye të tabelës me 13 pikë të tubuara, kurse, Nikli ende nuk asnjë pikë.