Liverpool triumfon në derbin ndaj Evertonit, fiton edhe City

Liverpool ka bërë edhe një hap të madh në garën për titull të kampionit.

“The Reds” e kanë mposhtur Evertonin, me rezultat 1-0, të mërkurën mbrëma në derbin e mesjavës në elitën e futbollit anglez.

Dueli mes dy rivalëve të qytetit të Liverpool-it, ka dhuruar një sfidë interesante, anipse u shënuan vetëm një gol.

Diogo Jota (57’), shënoi golin e fitores për liderin e tabelës në Premier League dhe të vetmin në këtë sfidë joshëse.

Pas kësaj fitore, Liverpool ka 73 pikë në krye të tabelës, 12 sosh më shumë se ndjekësi Arsenali, kurse, Everton renditet e 15-ta me 34 pikë.

Fitore ka shënuar edhe Manchester City në duel me Leicester City-n, me rezultat 2-0.

Grealish (2’) dhe Marmoush (29’), shënuan nga një gol për fitoren e skuadrës së Pep Guardiolës e cila tani ka 51 pikë në pozitën e katërt, kurse, Leicester City është e parafundit me 17sosh.