Lille nxjerrë në shitje Zhegrovën, kërkon 30 milionë euro për kosovarin

Klubi francez, Lille raportohet se është e gatshme të shqyrtojë ofertat për sulmuesin kosovar Edon Zhegrovën.

Ylli i kombëtares së Kosovës, prej kohësh është i lidhur me largimin nga skuadra franceze.

Zhegrova është në shënjestër të disa klubeve të mëdha evropiane përfshirë edhe Barcelonën.

Sipas ‘Diario Sport’ Barcelona tashmë është duke menduar të bëjë ofertë për yllin e Dardanëve.

Ndërkaq, Lille thuhet se për ta lënë të lirë 26 vjeçarin kërkon 30 milionë euro.

Vera që po vjen duket se do të jetë e ‘nxehtë’ për Zhegrovën pasi janë disa top-klube që e duan sulmuesin kosovar.