Lewa sulmon Xavi-n: Nuk mbështet lojën sulmuese

Sulmuesi i Barcelonës, Robert Lewandowski nuk është përmbajtur kur është pyetur se çfarë mendonte për taktikat e Xavi Hernandez-it.

Në një intervistë për “Mundo Deportivo”-n, 35-vjeçari kritikoi trajnerin duke thënë se nuk aktivizon mjaftueshëm lojtarë sulmues.

“Ne jemi Barcelona dhe prej nesh priten vetëm fitore, por gjithashtu futboll sulmues. Së fundmi situatat nuk kanë qenë aspak të lehta në fushë pasi na është dashur që të luftojmë shumë për të krijuar raste shënimi. Kur aktivizojmë lojtarë si Ferran apo Ansu shikojmë se krijojmë më shumë shanse shënimi. Shpesh herë nuk luajmë me mjaftueshëm lojtarë sulmues. Unë nuk kam mbështetje dhe shpesh herë mundohem të gjej zgjidhjen më të mirë për ekipin”, tha ish-sulmuesi i Bayern-it.

“Herë herë kam vënë re se ndodhem mes dy qendërmbtojtësve dhe për ata puna bëhet më e lehtë për të ndaluar. Në shumë takime kam vënë re se nuk kam shumë shanse shënimi. Nuk marr shumë topa dhe më duhet që të krijoj vetë shanset për të shënuar”, shtoi Lewa, i cili nuk kurseu kritikat për taktikat e teknikut spanjoll.