Leao: Milan do ta fitojë Championsin shumë shpejt, ky është qëllimi ynë!

Sulmuesi i Milan, Rafael Leao ka dhënë së fundmi një intervistë për mediet portugeze, në lidhje me periudhën e tij te “Djalli” dhe për qëllimet që ka.

Sulmuesi u shpreh se ëndrra e tij më e madhe dhe qëllimi kryesor te Milan është që shumë shpejt të fitojnë Champions Leaguen.

“Unë besoj se klubi është në rrugën e duhur, ne arritëm në gjysmëfinale të Champions League. Tani objektivi i klubit duhet të jetë të vazhdojë të rritet, të vazhdojë të jetë i fortë. Unë jam i sigurt se Milani së shpejti do t’i rikthehet fitimit të Champions League, që është qëllimi ynë. Unë flas për veten time, jam i ri, jam një lojtar që dëshiron të fitojë gjëra të mëdha, mendoj se Champions League është ëndrra e çdo lojtari dhe ne po punojmë për këtë”-deklaroi ndër të tjera Leao.