Lajm i keq për Shqipërinë, Uzuni humbet ndeshjet e tetorit

Tjetër ndryshim në listën e Kombëtares shqiptare në prag të ndeshjeve të Ligës së Kombeve ndaj Çekisë dhe Gjeorgjisë.

Sipas FSHF-së sulmuesi Myrto Uzuni ka pasur një problem muskulor në ndeshjen e fundit me kubin, por u paraqit në Kombëtare për t’iu nënshtruar analizave mjekësore. Dje futbollisti bëri një rezonancë magnetike që evidentoi një dëmtim në muskujt e pulpës së djathtë.

Për këtë arsye, lojtari nuk mund të jetë i disponueshëm për ndeshjet e Kombëtares në tetor dhe do të kthehet në klubin e tij për të vazhduar programin e rikuperimit.

Trajneri Sylvinho ka vendosur të thërrasë në vendin e tij sulmuesin Indrit Tuci, i cili pritet të mbërrijë sot në Tiranë për t’iu bashkuar ekipit në përgatitjet për dy ndeshjet e tetorit.