Kurti: S’ka më dhe nuk do të ketë kurrë ngritje të barrikadave

Lëvizja Vetëvendosje ka vazhduar me tubim në Mitrovicë në ditën e dytë të fushatës zgjedhore për zgjedhjet e 9 shkurtit.

Gjatë fjalimit në këtë tubim, Kurti pretendoi se në me qeverinë e VV-së, në Mitrovicë të Veriut “nuk do të jetë më banda kriminale, ngritje barrikadash apo prodhim të kriptovalutave”.

“Nuk ka më sundim të bandave kriminale. Nuk ka më dhe nuk do të ketë kurrë qarkullim të targave ilegale. Nuk ka më dhe nuk do të ketë kurrë ngritje të barrikadave. Nuk ka më dhe nuk do të ketë kurrë prodhim të kriptovalutave. Fuqia e ligjit të drejtë në Republikën e Kosovës ngadhënjen kudo, në çdo cep të Mitrovicës dhe të Republikës së Kosovës.” – tha ai.