Kurti: Shëndeti publik është gurthemeli i një shoqërie

Në 100-vjetorin e IKSHPK-së, kryeministri në detyrë, Albin Kurti, tha se shëndeti publik është gurthemeli i një shoqërie në zhvillim. Ai tha se ky institut ka ndikim në mbrojtjen dhe përparimin e shëndetit të qytetarëve tanë nga sëmundjet e ndryshme deri te vetëdijesimi për shëndetin dhe sigurimin e ujit  ushqimit pa rrezik.

Kurti, duke folur për historikun e themelimit të këtij institucioni nga filantropi amerikan Rokfeller  njëqind vjet më parë, i cili u quajt si Shërbimi Higjienikoepiedmiologjik në Pejë, vuri në pah aktivitetin e këtij shërbimi në përballje me sfidat e kohës. Mgase, shtoi ai, situata e rëndë politike e sociale, doemos ka pasur prapa vetës edhe faturën e saj shëndetësore e epidemiologjike.

“Me ngjalljen e jetës sonë në liri rifilloi puna e institucioneve shëndetësore e edhe puna edhe instituti me emër e organizim të denjë për një shtet, i cili për më pak se një dekadë (pas luftës) do të bëhej i pavarur” , theksoi Kurti.

Ai shtoi se ky institut gjatë kësaj kohe nxori kuadro të shquara që vendosën themelet e shërbimeve të epidemiologjisë, mjekësisë sociale, mikrobiologjisë, ekologjisë humane statistikave, etj.

“Shëndeti publik është gurthemeli i një shoqërie në zhvillim. Ai përfshin jo vetëm parandalimin dhe kontrollin e sëmundjeve, por edhe promovimin e një stili jetese të shëndetshme, uljen e pabarazive shëndetësore dhe sigurimin e qasjes në kujdesin shëndetësor, cilësor për të gjithë”, tha Kurti.

Ai vuri në dukje se  ky institut “ka ndikim në mbrojtjen dhe përparimin e shëndetit të qytetarëve tanë që nga çrrënjosja dhe eliminimi i disa sëmundjeve ngjitëse, ulja e përhapjes së sëmundjeve në përgjithësi dhe vdekshmërisë deri te vetëdijesimi për shëndetin dhe sigurimin e ujit  ushqimit pa rrezik”. /rtk/