Kryetari Ramosaj zhvillon edhe takimin e dytë me qytetarët

Kryetari i Komunës së Deçanit Bashkim Ramosaj ka zhvilluar edhe takimin e dytë publik me qytetarët.

Në takim të përfshirë ishin edhe nënkryetari Sami Cacaj, si dhe drejtoresha për financa e komunës Dafina Cacaj.

Të gjitha pyetjet e qytetarëve morën përgjigje, ndërsa u fol edhe për projektet e ardhshme.

“KRYETARI I KOMUNËS MBAJTI TAKIMIN E DYTË PUBLIK ME QYTETARËT E KOMUNËS SË DEÇANIT

Kryetari i komunës, z. Bashkim Ramosaj mbajti takimin e dytë publik me qytetarët,të pranishëm në takimin publik ishin nënkryetari, z. Sami Cacaj, drejtorë të drejtorive zyrtare komunal si dhe qytetarë ku patëm mundësinë të ndajmë punët dhe arritjet e vitit 2024, duke forcuar transparencën dhe komunikimin mes nesh.

Ishte kënaqësi të dëgjonim mendimet dhe sugjerimet tuaja, për të vijuar me projekte që pasqyrojnë nevojat dhe aspiratat e komunitetit tonë.

Të gjitha pyetjet dhe komentet morën përgjigje konkrete dhe garantova se komuna dhe ekzekutivi do të jenë afër qytetarëve deri në realizimin e të gjitha projekteve.

Me bashkëpunim të ndërsjellë do të vazhdojmë të realizojmë qëllimet tona drejt zhvillimit të vendit, me të gjitha potencialet që ky qytet i posedon!”.