Kryeministri britanik mbështet Zelenskyn pas kritikave të Trumpit

Kryeministri britanik, Sir Keir Starmer, ka shprehur mbështetje për presidentin ukrainas Volodymyr Zelensky pas deklaratave të Donald Trump, i cili e quajti atë “diktator”. Në një bisedë telefonike me Zelensky, Sir Keir ka theksuar mbështetjen për të si “lider të zgjedhur demokratik të Ukrainës”.

“Kryeministri tha se ishte plotësisht e arsyeshme të pezullosh zgjedhjet gjatë luftës, siç bëri Britania e Madhe gjatë Luftës së Dytë Botërore,” thuhet në një deklaratë të përfaqësuesit të Downing Street.

Kryeministri britanik gjithashtu ripërsëriti mbështetjen për përpjekjet e udhëhequra nga SHBA për të arritur një paqe të qëndrueshme në Ukrainë dhe për të parandaluar agresionin rus.

Presidenti Zelensky falënderoi Britaninë për mbështetje, duke thënë se “roli i Mbretërisë së Bashkuar në forcimin e mbrojtjes dhe sigurisë së Europës është shumë i rëndësishëm për ne”, raporton Sky News.

Komentet e Trump u bëra pas një postimi në platformën e tij Truth Social, ku ai e quajti Zelensky “diktator” dhe kërkoi negociata me Rusinë.

Liderja konservatore Kemi Badenoch e hodhi poshtë këtë koment, duke thënë se Zelensky “nuk është një diktator”, por “lideri i zgjedhur demokratik i Ukrainës”. Ajo shtoi gjithashtu se “Europa duhet të marrë përgjegjësinë e saj”. /rtk/