Kosova mban stërvitjen e dytë para miqësores me Norvegjinë

Kombëtarja e Kosovës në futboll, të premten ka zhvilluar stërvitjen e dytë para miqësores kundër Norvegjisë.

Norvegjia dhe Dardanët do të përballen më 5 qershor në Oslo, në një sfidë që pritet të prodhojë ndeshje interesante.

Kosova sot ka mbajtur stërvitjen e dytë në Kampin Nacional në Hajvali.

Sipas faqes zyrtare të FFK-së fokusi ishte tek pjesa taktike.

“Stërvitjen e radhës Dardanët e zhvillojnë nesër në orën 11:00. Ky grumbullim do të kurorëzohet me miqësoren kundër Norvegjisë që do të zhvillohet me datë 5 qershor në Olso”, thuhet në njoftimin FFK.