Kongres i UEFA-së në Beograd: Raportohet për heqjen e simboleve të Kosovës

Federata e Futbollit të Serbisë ka reaguar të enjten duke thënë se ka hequr simbolet e Kosovës në Kongresin e 49-të të UEFA-s që po mbahet në Beograd, raportojnë mediet serbe.

Gjatë ditës së djeshme, janë publikuar foto e video nga Qendra e Kongresit “Sava” ku po mbahet ngjarja e UEFA-s, ku shihej kryetari i Federatës së Futbollit të Kosovës, Agim Ademi duke prekur flamurin e Kosovës. Videoja u bë virale në rrjetet sociale.

RTK ka provuar të kontaktojë Federatën e Futbollit të Kosovës, por deri tani akoma nuk ka përgjigje pasi që kryetari i FFK-së Agim Ademi ndodhet në Beograd në Kongresin e UEFA-së.