Ka fërkime me drejtuesit e Bayernit, City po përgatit ofertën për talentin gjerman

Jamal Musiala është një lojtar joshës për klubet më të mëdha në botë dhe sigurisht për këtë nuk do të habitej askush.

“Xhevahiri” i Bayernit të Mynihut, i lindur në vitin 2003, nuk po rinovon kontratën me klubin gjerman.

Në fakt, ka ende kohë për të hedhur të zezën mbi të bardhë, pasi kontrata i skadon në vitin 2026, por shfaqja e disa fërkimeve mes lojtarit dhe drejtuesve të klubit çon në përhapjen e zërave për një largim të mundshëm nga skuadra bavareze.

Sipas shtypit britanik, në fakt, Manchester City po punon për një ofertë për t’ia paraqitur Bayernit për talentin talentin e përfaqësueses së Gjermanisë.

Për kampionët në fuqi të Premier League-s gjermani do të ishte një alternativë ndaj Lucas Paquetas ose Michael Olise, lojtarë të tjerë me një pozicion të ngjashëm taktik, që pëlqehen shumë nga Pep Guardiola.

Në të kaluarën edhe vetë Musiala ka shprehur simpatinë ndaj Premier League-s:

“Është liga më e fortë dhe më tërheqëse në botë për momentin, por ndihem rehat këtu dhe jam i fokusuar te suksesi me Bayernin. Por nuk dihet kurrë se çfarë ndodh pas disa vitesh”.