Juve kërkon një mbrojtës, Axel Disasi në listën e torinezëve

Klubi italian, Juventus, raportohet se po monitoron mbrojtësin e Chelsea-t, Axel Disasi.

Sipas mediave italiane, Disasi tashmë është futur në “orbitën” e torinezëve.

“Zonja e Vjetër” është në kërkim të një mbrojtësi, dhe Disasi thuhet se është në listën e gjigantit italian.

Kontakti fillestar me lojtarin ende nuk është bërë, por Juve pritet që shumë shpejt të nisë negociatat me 26-vjeçarin, i cili raportohet se po vëzhgohet edhe nga një klub i madh gjerman.

Disasi nuk ka pasur shumë hapësira te Chelsea këtë sezon, duke luajtur vetëm dy ndeshje si titullar në Premier League.

Ai ka kontratë me “Blutë” e Londrës deri në verën e vitit 2029, mirëpo, siç raportohet, Disasi mund të transferohet në një klub të ri gjatë muajit janar.