Jashari mesazh Juventusit: Jemi gati, ndeshje shumë e vështirë

Mesfushori i Brugge, Ardon Jashari, ka folur në konferencë për media në prag të ndeshjes në Ligën e Kampionëve kundër Juventusit.

“Ne nuk e shikojmë renditjen, kanë mbetur edhe dy ndeshje dhe do të shohim se çfarë do të ndodhë, por ne nuk e shikojmë renditjen. Nuk e di nëse janë më të fortë, ata janë një ekip italian dhe si gjithmonë do të jetë i vështirë për t’u përballur. Juventus mundi Milanin, por nuk mund të them nëse ata janë më të fortë. Ne jemi gati, do të bëjmë lojën tonë. Do të jetë sfida e fundit e kësaj faze të parë të Ligës së Kampionëve në shtëpi dhe të shohim se çfarë do të ndodhë, por ne do të bëjmë lojën tonë”, ka deklaruar Jashari.