Jashari gjen rrugën e golit, Xhaka dhe Ademi protagonistë me asist, shqiptarët bëjnë “ligjin” në elitën e futbollit zviceran

Futbollistët shqiptarë bënë “ligjin” në derbin mes Baselit dhe Luzernit, i vlefshëm për elitën e futbollit të Zvicrës.

Ky duel u mbyll në barazim 1-1. Taulant Xhaka asistoi për golin e shënuar nga Jovanoviç në minutën e 61-të, me këtë të fundit që kaloi në avantazh Baselin, ndërkohë që golin e barazimit për miqtë e Luzernit, e realizoi Ardon Jashari, në minutën e 81-të, me asist të Kemal Ademit.

Vlen të theksohet fakti se Xhaka u aktivizua titullar te Baseli, ndërkohë që në radhët e Luzernit, u aktivizuan Simani, Beka dhe Jashari titullarë, ndërkohë që Ademi hyri si zëvendësues në minutën e 68-të.

Plot 5 lojtarë me origjinë shqiptare në këtë duel special.