Irani paralajmëron aleatët e Izraelit: Nëse SHBA, Britania e Madhe dhe Franca e ndihmojnë, do godasim bazat e tyre

Irani ka paralajmëruar Shtetet e Bashkuara, Mbretërinë e Bashkuar dhe Francën se bazat dhe anijet e tyre në rajon do të jenë në objektivin e ushtrisë iraniane nëse ata ndihmojnë në rrëzimin e raketave të Teheranit në Izrael.

Sipas mediave mediave shtetërore të Iranit, aleatët e Izraelit nuk duhet të përfshihen në këtë përplasje

Ndërkaq, sipas ‘London Times’, Mbretëria e Bashkuar nuk u informua për sulmet me raketa të Izraelit mbi Iranin teksa situata tashmë është përkeqësuar.

Më herët, Autoriteti i aviacionit civil të Iranit  deklaroi se hapësira ajrore e vendit është mbyllur “ deri në njoftimin e mëtejshëm, ” pas sulmeve të ndërsjella mes Izraelit dhe Iranit që shkëmbyen zjarr një ditë më parë.

“Asnjë fluturim nuk do të operohet në asnjë aeroport të vendit për të mbrojtur sigurinë e pasagjerëve … deri në njoftimin e mëtejshëm, ” thotë agjencia zyrtare e lajmeve IRNA.

Njoftimi vjen menjëherë pasi ushtria izraelite tha se avionët e saj kanë lirinë e veprimit në qiellin e Teheranit. /rtsh/