Inzaghi: Fituam si ekip i pjekur

Trajneri i Interit, Simone Inzaghi, është shprehur i lumtur me fitoren dhe paraqitjen e skuadrës së tij në duel me Como-n.

Kampionët në fuqi të Italisë mundën Como-n (2-0), të hënën mbrëma në kuadër të elitës së futbollit italian.

“Ne fituam si një ekip i pjekur. Në pjesën e parë ne ishim të ngadaltë dhe Como krijoi disa vështirësi për ne”, ka thënë Inzaghi.

“Më pas ne rrezikuam më shumë dhe shënuam në kohën e duhur. Mendoj se fituam me meritë përballë një skuadre jo të lehtë”, ka thënë strategu italian.

Pas kësaj fitore, Interi ka 37 pikë, tri me pak se lideri i tabelës, Atalanta.