Interi mund të mbetet pa një tjetër yll, Al Ahli përgatitë ofertën e lartë

Klubet arabe vazhdojnë të jenë aktive në tregun e transferimeve duke tentuar të marrin yje të mëdha nga Evropa.

Al Ahli është një nga skuadrat më aktive në tregun e transferimeve, por pasi po hasin në vështirësi të transferojnë Marco Verrattin kanë kthyer vëmendjen nga mesfushori  i Interit, Hakan Calhanoglu.

Kur kanë mbetur edhe më pak e dy javë deri në mbylljen e afatit kalimtar të verës, drejtuesit e Al Ahli pritet të trokasin në dyert e Interit me një ofertë joshëse për mesfushorin turk.

Ndërkohë për mesfushorin është e gatshme një kontratë tre vjeçare me pagë prej 25 milionë eurove neto në sezon, pagë që është pesë herë më e lartë se sa fiton ai te Interi.

Edhe pse duket e vështirë që Interi ta lejoj largimin e Calhanoglus, një ofertë zyrtare do të bëj klubin zikaltër të mendohej për të ardhmen e turkut, shkruan telegrafi.

Al Ahli ka transferuar emra të mëdhenj këtë verë si Roberto Firmino, Riyad Mahrez, Saint Maximin, Franck Kessie, Roger Ibanez dhe së fundmi Merih Demiral.