IDF vret komandantin kryesor të Xhihadit Islamik në Gazë

Ushtria izraelite tha se ka vrarë një komandant të lartë të organizatës terroriste Xhihad Islamik Palestinez – në një sulm brenda një zone humanitare në Khan Younis, në Rripin jugor të Gazës.

“Ahmed Aish Salame al-Hashash ishte kreu i njësisë së raketave të grupit – në zonën e Rafahut dhe përgjegjës për gjuajtjen e raketave nga një zonë e caktuar humanitare në territorin izraelit”, tha sot ushtria izraelite.

“Në kohën e sulmit, al-Hashash vepronte brenda Zonës Humanitare në Khan Yunis”, sipas një njoftimi të Forcave të Mbrojtjes të Izraelit (IDF) në X.

Ushtria tha se kishte monitoruar zonën nga ajri përpara sulmit në mënyrë që të minimizonte rrezikun për civilët.

Zona humanitare Khan Younis ndodhet në jug të zonës bregdetare. Ushtria izraelite thuhet se vrau al-Hashash atje të hënën.

Informacioni nuk mund të verifikohet në mënyrë të pavarur.

Lufta në Gazë u shkaktua nga masakra e paprecedentë e më shumë se 1200 njerëzve të vrarë nga luftëtarët nga Hamasi, PIJ dhe grupe të tjera të armatosura palestineze në Izrael më 7 tetor.

Izraeli u përgjigj me sulme masive ajrore dhe një ofensivë tokësore në Rripin e Gazës.

Sipas autoritetit shëndetësor të kontrolluar nga Hamasi, 26 persona të tjerë u vranë në luftimet në Rripin e Gazës brenda 24 orëve.

Që nga fillimi i luftës, në zonën bregdetare janë vrarë gjithsej 41 252 persona. Shifrat nuk bëjnë dallim mes civilëve dhe luftëtarëve.

Një muaj më parë, ushtria izraelite njoftoi se mbi 17 000 terroristë ishin vrarë në luftën e Gazës.

Asnjë nga këto shifra nuk mund të verifikohen në mënyrë të pavarur. /ATSH/