Ibra u bën thirrje tifozëve: Vazhdoni të mbështesni Milanin

Pas disfatës në derbi dhe në kuadër të ndeshjes kundër Newcastle, Zlatan Ibrahimovic u paraqit në Milanello të hënën për të përshëndetur Piolin dhe ish-shokët e tij të skuadrës.

Në fund të vizitës, ish-sulmuesi suedez ka realizuar një video në të cilën ka bërë një thirrje për tifozët në këtë moment të komplikuar.

“Përshëndetje të gjithë tifozëve të Milanit.

Erdha këtu në Milanello dhe menjëherë shkova te trajneri për t’i thënë se jam gati të luaj, por përkundrazi nuk isha në listë edhe pse ndihem mirë dhe në formë – fjalët e Ibra – Mënjanë shakatë, vazhdoni të mbështesni Milanin.

Gjithçka do të jetë mirë dhe do të shihemi në stadium. Mirupafshim”.