Gundogan i mllefosur me bashkëlojtarët e tij pas humbjes nga Reali

Futbollisti i Barcelonës, Ilkay Gundogan është shprehur i mllefosur me humbjen nga Real Madridi.

Katalonasit humben derbin e madh ndaj madrilenëve (1-2), fundjavën që lamë pas në ‘El Clasicon” e parë të këtij sezoni në elitën e futbollit spanjoll.

Gundogan, i cili gjatë verës që lamë prapa, iu bashkua Barcelonës nga Manchester City, ka thënë se nuk ka ardhur në Barcelonë për të humbur ndeshje të nivelit të tillë.

“Dua të jem i sinqertë por pa e ekzagjeruar, sepse nuk dua të them diçka që nuk duhet. Në dhomat e zhveshjes padyshim që kishte zhgënjim, por pas një ndeshje të rëndësishme dhe rezultatit negativ, do të doja të shoh më shumë zemërim dhe zhgënjim”, ka thënë Gundogan.

“Unë nuk kam ardhur këtu për të humbur këso lloj ndeshjesh në këtë mënyrë. Kam gjithashtu përgjegjësinë si një lojtar me përvojë që të mos lejoj skuadrën të mendojë kështu. Ne duhet të reagojmë”, ka theksuar ai.