Guardiola për rinovimin: Nuk kam vendosur ende, por…

E ardhmja e Pep Guardiolës në stolin e Manchester Cityt është ende një enigmë për të cilën trajneri nuk duket se dëshiron t’i japë një zgjidhje.

Gjatë konferencës për shtyp në prag të Wolverhampton, trajneri nuk konfirmoi apo mohoi se ishte kontaktuar nga FA për rolin e trajnerit të “Tre Luanëve” dhe as nuk deshi të zbulonte se çfarë do të ndodhë kur të skadojë kontrata qershorin e ardhshëm, edhe nëse disa deklarata të tij mund të shqetësojnë fansat e “Qytetarëve”.

Duke dëgjuar dhe lexuar mediat, u duk se Pep ishte kontaktuar disa herë nga Federata Angleze e Futbollit, e cila megjithatë në fund vendosi t’i besonte drejtimin e kombëtares, gjermanit Tuchel. Atyre që i kërkuan konfirmimin për këtë, Guardiola e dribloi pyetjen kështu:

“Thomas është menaxher, le të harrojmë gjithçka tjetër. Unë jam trajneri i Manchester City, kjo është ajo që ka rëndësi”.

Ish-lojtari i Barcelonës dhe Bayern merr kohën e tij për çështjen e rinovimit: “Duhet të vendos, nuk e kam bërë ende. Sapo ta bëj do të informoj shtypin. Nuk ka asnjë lajm dhe nuk kam asgjë për të shtuar, përveç se prioriteti im i vetëm për momentin është Wolverhampton. Nuk është e vërtetë që klubi po më bën presion për të marrë një vendim dhe nuk mendoj se jam duke krijuar probleme për klubin. Ndjenja është se do të ketë një ndikim të madh, por jo vetëm, gjyqi në të cilin janë përfshirë Qytetarët për shkeljen e Fair Play-t Financiar në periudhën 2009-2018”.