Guardiola: Do të më vrisnit nëse do të shpenzonim sa Chelsea

Trajneri Pep Guardiola thotë se kritikët do ta vrisnin Manchester Cityn nëse do të investonin si Chelsea brenda një viti.

“Blutë” kanë shpenzuar afro 1 miliard euro që kur Todd Boehly mori postin e presidentit, me Romeo Lavian si futbollisti më i fundit.

Në konferencë për shtyp, duke folur për mungesën e Kevin de Bruyne – Guardiola shtoi se Man City nuk do të investojë si CHelsea.

“Nuk do të mund të ulesha këtu nëse do të shpenzonim sa Chelsea në dy afatet e fundit kalimtare, ju do të më vrisnit”.

“Do të më vrisnit, kjo është e sigurt. Do të shohim çfarë do të ndodhë në afatin veror dhe nëse e bëjmë do të paguajmë çfarë mendojmë se është e drejtë”.

“E donim Maguire dhe nuk e blemë sepse nuk donim të paguanim, e donim Cucureallan dhe nuk paguam, e donim Sanchezin dhe nuk e paguam”.

“Nuk e kritikoj Chelsean për asnjë sekondë. Po e them se nëse do ta bënim ne, do të ishim vdekur. Mendimet e njerëzve duhet të ndryshojë, të gjithë shpenzojnë. Jo vetëm Man City”.

Man Cityn e pret një përballje jo e lehtë më vonë ndaj Newcastle Unitedit.