Gjakova e treta në Kampionatin Evropian

Nora Gjakova ka zënë vendin e tretë në Kampionatin Evropian xhudos që po mbahet në Montpellier të Francës.

Gjakova fitoi medaljen e bronztë, pasi e mposhti gjermanen Seija Ballhaus.

Ndaj saj fitoi me Ippon në kohën shtesë.

Për të arritur deri në repesazh mposhti polaken Arleta Podolak, në çerekfinale, xhudisten kosovare e mposhti gjermanja Pauline Starke.

Raundin e parë të repesazhit, Nora e kaloi pa luftë, pasi izraelitja Timna Nelson Levy nuk doli fare në tatami.

Për Norën është medalja e shtatë në Kampionate Evropiane.

Kjo është medalje e dytë për Kosovën sot, pasi Distria Krasniqi zuri vendin e dytë.