Girona turpëron Barcelonën, rikthehet në krye të La Ligës

Girona nuk është rastësisht në krye të La Ligës spanjolle.

Kjo skuadër spanjolle, e cila është duke bërë një sezon të madhe, ka bërë befasinë e radhës duke mundur Barcelonën në udhëtim me rezultat 2-4, ndeshje kjo e zhvilluar të dielën në kuadër të elitës së futbollit spanjolle.

Skuadra e Gironës, ka bërë një paraqitje mjaft të mirë në duel me “Blaugranat” duke marrë tri pikë tejet të rëndësishme në garën për kreun e tabelës.

Dovbyk (12’), Gutierrez (40’), Fernandez (80’) dhe Stuani (90+5’), shënuan për fitoren e madh të Gironës, derisa për katalonasit realizuan Lewandowski (19’) dhe Gundogan (90+2’).

Pas kësaj fitore, Girona rikthehet në krye të tabelës me 41 pikë, dy më shumë së Real Madridi, kurse, Barcelona bie në pozitën e katërt me 34 sosh.