Fundjave e zjarrtë në Superligë, kryederbi Drita-Gjilani

Superliga e Kosovës në futboll, rikthehet këtë vikend me ndeshjet e javës së tetë.

Kjo xhiro starton të shtunën pasdite, ku përballen Liria-Malisheva dhe Ballkani-Llapi, sfida këto që parashikohen se do të sjellin duele interesante pasi që pikët janë tejet të rëndësishme nga të dy përballjet.

E diela pasdite pritet të jetë edhe më e zjarrtë pasi që luhen edhe tri ndeshjet e fundit të kësaj xhiro, ku spikat derbi më i madh në vendin tonë, Drita-Gjilani.

Gjithnjë përballjet mes dy rivalëve gjilanas, kanë dhuruar sfida dramatike dhe një sfidë e tillë pritet të jetë edhe në ndeshjen e radhës.

Aktualisht Drita renditet e treta me nëntë pikë, dy më shumë së Gjilani që zë vendin e gjashtë.

Ndërkohë, në dy ndeshjet tjera të ditës së dielë, ballafaqohen Dukagjini-Feronikeli ’74 dhe Fushë Kosova-Prishtina.

Superliga / Java e Tetë

Të shtunën takohen:

Liria-Malisheva

Ballkani-Llapi

Të dielën takohen:

Drita-Gjilani

Dukagjini-Feronikeli ‘74

Fushë Kosova-Prishtina

Të gjitha ndeshjet fillojnë në orën 15:00.