Flick pas fitores ndaj Realit: Kjo skuadër është e pabesueshme

Trajneri gjerman i katalanasve, Hansi Flick, i cili fitoi trofeun e parë me katalonasit që nga ardhja e tij verën e kaluar, u shpreh shumë i lumture me paraqitjen e skuadrës së tij.

Barcelona të dielën mbrëma mundi Realin (5-2), duke fituar trofeun e Superkupës së Spanjës.

“Kjo skuadër është e pabesueshme. Qëndruam të bashkuar, u mbrojtëm dhe punuam si një grup i fortë. Ky ishte çelësi i suksesit. Qëllimi është të mësojmë nga çdo ndeshje dhe të përmirësohemi dita-ditës”, tha Flick, duke theksuar që Barcelona luajti për më shumë se një të tretën e ndeshjes me 10 lojtarë.

“Jam vërtet krenar. Qëllimi i klubeve të mëdha është të fitojnë tituj, dhe ne punojmë shumë për të arritur atje. Tani duhet të tregojmë në çdo ndeshje se sa të fortë jemi”, përfundoi Flick.