Fillon ProCredit Superliga

Në fundjavë (sot dhe nesër) fillon ProCredit Superliga, që pritet të jetë njëra nga më interesantet në vitet e fundit.

Pas spektaklit të Superkupës, tani është koha për aksion në elitën e basketbollit të Kosovës.

Klubet kanë bërë përforcimet dhe përgatitjet e nevojshme, për të arritur synimet që i kanë.

Sfida hapëse e kësaj xhiro dhe e kampionatit të ri është mes Vëllaznimit dhe Pejës.

Të dielën, Bora debuton në elitë, ku do të përballet me finalistin e edicionit të kaluar të kampionatit, Golden Eagle Yllin.

Java e parë do të mbyllet me ndeshjen mes Proton Cable Prizrenit dhe Sigal Prishtinës.

Bashkimi – Trepça shtyhet për më vonë, për shkak të obligimeve të klubit mitrovicas në kualifikimet e Basketball Champions League.

Java 1 14/15.09.2024

E shtunë

17:15 Vëllaznimi – Peja

E diel

17:15 Bora – Golden Eagle Ylli

19:00 Proton Cable Prizreni – Sigal Prishtina

(Bashkimi – Trepça shtyhet për më vonë)