FFK vazhdon punën për rregullimin e fushës “Fadil Vokrri”

Federata e Futbollit të Kosovës po vazhdon punën intensivisht për ta rregulluar fushën “Fadil Vokrri”.

Përmes një video në rrjetin social “Instagram”, FFK falënderoi të gjithë për kontributin e bërë.

“FFK me ekspertët e saj po punon 24/7 për ta rregulluar fushën e stadiumit të vetëm për ndeshje ndërkombëtare Fadil Vokrri”.

“Falendërojmë të gjithë për mirëkuptimin si dhe të gjithë ata që kontribuan me përkushtim për ndërrimin e barit, mbjelljen, rikuperimij dhe të gjithë punët që bëhen aty”, shkruhet në mbishkrim.

Kujtojmë, Kosova në Prishtinë do ta zhvillojë derbin ndaj Zvicrës.