Evra, i ashpër me Mbappe: Mos guxoni ta krahasoni me Henry

Patrice Evra ka folur për sulmuesin e Real Madridit, Kylian Mbappé, duke diskutuar nëse ai mund të konsiderohet si një nga lojtarët më të mirë në botë.

Ish-mbrojtësi francez nuk i kurseu kritikat ndaj Mbappe, duke nënvizuar se kampioni i ri nuk mund të vendoset në të njëjtin nivel me legjendat si Jean-Pierre Papin apo Thierry Henry.

Evra theksoi sesi, sipas mendimit të tij, talenti i Mbappe është mbivlerësuar për shkak të zhurmës mediatike që e rrethon, në vend të rezultateve të tij në fushë.

“Ju vazhdoni të thoni se ai është lojtari më i mirë në botë ose një nga më të mirët, por për mua ai nuk është aspak afër nivelit të Papin. Dhe mos guxoni ta krahasoni atë me Thierry Henry, kurrë. E keni parë performancën e Thierry Henry? Ju keni krijuar një produkt. Ju flisni shumë për të, i vendosni njerëzit në një piedestal pa arritur akoma atje”, tha Evra për RMC Sport.