Enrique: Guardiola e dërgoi modelin e Barcelonës në perfeksion!

Ndeshja mes PSG-së dhe Manchester Cityt vlen shumë si për fatet e skuadrave në këtë kompeticion edhe për teknikët respektivë.

Luis Enrique në konferencën e sotme për shtyp kishte vetëm fjalë të mira për homologun e tij në Mançester.

“Nesër do të luajmë një ndeshje speciale jo vetëm për pozitat e skuadrave në klasifikim. Unë do të takoj një shok, do të jetë një gëzim i madh që të takohem me Guardiolën. Duhet të prisni një ndeshje të madhe pasi të dy, me lojtarët që kemi, kemi për të përgatitur ndeshjen njëlloj”, tha Enrique.

Trajneri spanjoll u pyet se cili mes tij dhe Guardiolës kishte nxjerrë potencialin më të madh të Barcelonës.

“Të jem i sinqertë si unë edhe Guardiola apo edhe Xavi kemi përdorur skemën 4-3-3, por skuadra e Guardiolës i afrohej më shumë perfeksionit”, tha Enrique.