Enrique: De Rossi do të ketë të ardhme të madhe si trajner

Trajneri i PSG-së, Luis Enrique, ka thurur elozh për homologun e tij te Roma, Daniele De Rossin.

Strategu spanjoll është i bindur se De Rossi do të ketë një të ardhme të madhe si trajner.

Sipas Enrique, tekniku italian ka karakter të fortë qysh kur ishte futbollist aktiv.

“De Rossi do të ketë një të ardhme të madhe si trajner. Më pëlqen shumë se si stërvit dhe si komunikon. Kishte një karakter të fortë që kur ishte futbollist”, ka thënë Enrique.

Roma nën drejtimin e De Rossit është afër të sigurojë një vend në zonën e Ligës së Kampionëve për sezonin e ardhshëm.