Elita e futbollit vjen sot me superderbin Ballkani-Drita

Pas ndeshjes se djeshme Feronikeli-Suhareka (3-1), elita e futbollit tonë, do të vazhdojë sot me dy ndeshjet e radhës në kuadër të javës së 15-të.

Kryendeshja e kësaj xhiro luhet sot në Suharekë, ku përballen Ballkani dhe Drita dy skuadrat pretendente në garën për titull të kampionit.

Skuadra gjilanase aktualisht kryeson tabelën me 31 pikë, pesë më shumë së kampioni në fuqi i Kosovës.

Llapi-Ferizaj, është një tjetër sfidë interesante dhe e rëndësishme që luhet sot pasdite në ‘Zahir Pajaziti’.

Kjo xhiro do të mbyllet të dielën pasdite me duelet Gjilani-Malisheva dhe Dukagjini-Prishtina, sfidë këto që pritet të dhurojnë duele joshëse pasi që pikët nga këto dy ndeshje janë tejet të rëndësishme.

Superliga /Java e 15-të

Të shtunën takohen:

Ballkani-Drita

Llapi-Ferizaj

Të dielën takohen:

Gjilani-Malisheva

Dukagjini-Prishtina

Të gjitha ndeshjet fillojnë në orën 13:00.