Eliminohet nga Kupa e Azisë, gazetarët sulmojnë trajnerin e kombëtares së tyre (VIDEO)

E pabesueshme ajo që ndodhi në Katar, në konferencën për shtyp pas eliminimit të Irakut në 1/8 finale të Kupës së Azisë nga Jordania.

Disa gazetarë irakianë, siç shihet në një video, sulmuan trajnerin e tyre Jesus Casas, u përpoqën ta nxirrnin dufin ndaj tij.

Ndërhyrja e sigurisë ishte e nevojshme për të evituar konfrontimin fizik. Pasi e mbylli pjesën e parë në avantazh, falë golit të Al Naimat, Jordania pati njëlloj “bllokimi”, duke pësuar dy gola të shpejtë. Për Irakun, fillimisht barazoi 1-1 Natiq, ndërsa Hussein siguroi avantazhin 2-1.

U duk se përmbysja u vu në “shina” të sigurta, por jordanezët nuk u pajtuan me disfatën. Mes minutave 95 dhe 97 erdhi reagimi “in extremis” i tyre, duke shënuar me Al Arab dhe Al Rashdan.

Përfundimisht, ndeshja u mbyll me rezultatin 3-2 për Jordaninë, me përmbysje vërtet spektakolare.

Iraqi Press ATTACK Jesus Casas after Iraq lose to Jordan in the last minute.

Chaos in the conference room.#AsianCup2023 pic.twitter.com/wHXONVS3fY

— InsideWorldFootball (@InsideWorldFoo1) January 29, 2024