“E pabesueshme”, Lionel Messi reagon ndaj skandalit të ndeshjen Argjentinë – Marok në Olimpiadë!

Lionel Messi nuk është shumë aktiv në rrjetet sociale. Megjithatë, ylli i Argjentinës nuk mundi të fshehë emocionet e tij pas humbjes së vendit të tij kundër Marokut në Lojërat Olimpike të Parisit 2024.

Lionel Messi publikoi një story në Instagram pas një skandali historik në Lojërat Olimpike të Parisit 2024.

Në minutat e fundit të lojës, Cristian Medina realizoi golin e barazimit ndaj Marokut dhe, kur ai po festonte me shokët e tij, tifozët marokenë pushtuan fushën dhe ndeshja u ndërpre.

Rezultati duhej të ishte 2-2 në atë moment pasi arbitri pranoi golin.

Pas më shumë se 90 minutash vonesë, VAR dha një vendim të jashtëzakonshëm. Goli më në fund nuk u numërua dhe të dyja skuadrat duhej të ktheheshin në fushë për të luajtur pesë minuta të tjera me të gjithë tifozët tashmë të larguar nga stadiumi në Saint Etienne.

Reagimi i Messit në rrjetet sociale i tha të gjitha: “E pabesueshme”, shkroi ai.