E konfirmon prestigjiozja britanike, Armando Broja larg Chelsea

E ardhmja e Armando Brojës vazhdon të duket larg Chelsea, me sulmuesin kuqezi që nuk po kalon një moment të mirë te “Blutë”.

Sipas prestigjiozes britanike “Telegraph”, 22-vjeçari mund t’i thotë lamtumirë Chelsea që në këtë merkato janari, teksa Pochettino vazhdon të jetë në kërkim të një sulmuesi që mund të ketë më shumë siguri.

Emri i parë në listën e “Bluve” është ai i Victor Osimhen, por një mundësi të madhe për t’u transferuar në “Stamford Bridge” e ka dhe Ivan Toney.

Gjithsesi, “Telegraph” thekson se Broja mund të qëndrojë te Chelsea, nëse ata nuk do të arrijnë marrëveshje me asnjë sulmues, të paktën deri në fundin e këtij sezoni.