E huazoi nga Tottenham në janar, Bayern vendos për të ardhmen e Eric Dier

Eric Dier u huazua në janar te Bayern Munich, me klubin gjerman që e mori mbrojtësin nga Tottenham deri në përfundim të këtij sezoni, me të drejtë blerjeje në verë.

Sipas medieve britanike, anglezi nuk ka arritur që të fitojë besimin e trajnerit Thomas Tuchel dhe nuk është duke luajtur rregullisht, ndoshta nuk është i gjithë faji i tij, duke qenë se situata në klubin bavarez është shumë e komplikuar dhe kjo po ndikon në performancën e shumë lojtarëve, të cilët nuk janë në gjendje të performojnë në potencialin e tyre të plotë.

Megjithatë përtej këtyre detajeve, klubi i Bayern nuk po mendon që ta blejë kartonin e mbrojtësit, i cili në verë do duhet të rikthehet te Tottenham.

Pjesa e fundit e sezonit do të jetë vendimtare për Bayern Munich, me gjermanët, të cilët ende nuk e dinë se kush do të jetë trajner në sezonin 2024-2025, por duket e pamundur që Dier të qëndrojë në Gjermani.

Ai ka bërë gjithsej 10 paraqitje deri më tani për edicionin 2023-2024, 6 në Bundesliga dhe 4 në Premier League.