E bujshme nga Spanja, Conte i ofrohet Barcelonës, por i preferuari i katalanasve është Klopp

Thashetheme të bujshme për transferimin e Antonio Contes vijnë nga Spanja.

Siç raporton “Sport”, trajneri italian i është ofruar vetë Barcelonës dhe klubi katalanas po bën të gjitha vlerësimet e nevojshme, pra ekonomik, teknik dhe karakter.

Në kërkim të një trajneri pasi Xavi shpalli lamtumirën në fund të sezonit, katalanasit do të ndiqnin rrugë të ndryshme për të gjetur njeriun e duhur dhe trajneri italian nuk mendohet të jetë në krye të listës së dëshirave.

Në detaje, sipas mediave iberike, objektivi numër një i Barçës për stolin do të ishte në fakt Jurgen Klopp.