Distria Krasniqi, e argjendtë në Linz të Austrisë

Xhudistja e Kosovës, Distria Krasniqi ka fituar medaljen e argjendtë në Grand Prix të xhudos që po mbahet në Linz të Austrisë.

Garuesja jonë u mund në finale nga japonezja Iroha O.

Garuesja jonë paraprakisht mundi hungarezen, Reka Pupp, serben Nikolina Nisavic dhe amerikanen Jenna Schurr.

Në finale Distria nuk pati fat duke u mposhtur brenda pak sekondave me ‘Ippon’ nga xhudistja japoneze.

Kujtojmë se nesër garon Laura Fazliu, për të cilën është gara e parë që prej Lojërave Olimpike Paris 2024.