Di Canio flet për transferimin e Alexander-Arnold te Real Madridi

Legjenda e West Ham, Paolo Di Canio, ka folur rreth transferimit të mundshëm të mbrojtësit të Liverpool-it, Trent Alexander-Arnold, në Real Madrid gjatë verës që po vjen.

26-vjeçari pritet t’i bashkohet gjigantëve spanjollë sapo t’i përfundojë kontrata me Liverpool-in, në një nga marrëveshjet më të bujshme afatit kalimtar të ardhshëm.

Di Canio në një intervistë për “FootItalia”, Di Canio ka thënë një kalim te Real Madrid jo vetëm që i jep mundësinë të fitojë trofe në nivelin më të lartë, por edhe të pasurojë përvojën e tij personale dhe profesionale.

“Nuk mund ta fajësoj për këtë vendim, sepse kur të thërret Real Madrid, nuk është vetëm për faktin që është klubi më i madh në botë. Aty mund të fitosh diçka çdo vit në nivelin më të lartë. Por gjithashtu do të mësojë spanjisht bashkë me familjen e tij”, tha Di Canio.

“Kjo është pjesë e kulturës së një lojtari, të cilën mund ta pasurojë për dy apo tre vite dhe më pas të rikthehet në Angli me një përvojë të madhe, jo vetëm në futboll, por edhe për jetën e tij personale”, shtoi ai.

Sipas medieve të huaja, Real Madrid është gati t’i ofrojë Alexander-Arnold një pagë vjetore prej 15 milionë eurosh, një shumë dukshëm më e madhe se ajo që fiton aktualisht te Liverpool.

Përveç kësaj, mundësia për të fituar La Ligën dhe Champions League me Realin është një motiv i madh për çdo lojtar.