De Rossi në prag të debutimit: Asnjë nuk e fshin lidhjen me Mourinhon, por duhet të më duan dhe mua

Në konferencën e tij të parë për shtyp në vigjilje të ndeshjes së sotme kundër Veronës, trajneri i ri i Romës, Daniele de Rossi, u ndal të komentonte edhe ish-trajnerin Jose Mourinho dhe lidhjen e ngushtë të portugezit me tifozët.

“Tifozët janë një pjesë e rëndësishme, stadiumet e mbushura plot sollën disa pikë. Askush nuk ua heq dashurinë që ndjenin ndaj Mourinhon, por asgjë nuk i ndalon të më duan edhe mua duke vazhduar rrugën e dashurisë në stadium. Është e qartë, ata nuk më zgjodhën për rezultatet e mia në te SPAL, nuk jam idiot, por të thuash se ishte një zgjedhje komode dhe e keqe, nuk e di. Mund të jetë një mundësi e shkëlqyer për mua. Kam folur edhe me Tottin. Më uroi me një mesazh”.