De Gea drejt Bayern Munich

Ish-portieri i Manchester United, David de Gea, raportohet se ka rënë dakord për t’u transferuar te gjiganti gjerman, Bayern Munich.

‘Gardiani’ spanjoll, i cili pak kohë më parë u largua nga Manchester United, duket se karrierën do ta vazhdojë tek ‘Bavarezët’.

Sipas medieve gjermane, De Gea është i përgatitur t’i bashkohet kampionëve në fuqi të Gjermanisë pasi Manuel Neuer vazhdon rikuperimin e tij nga lëndimi i pësuar kohë më parë.

Spanjolli thuhet se është gati të ‘fluturojë’ drejt Munich, megjithëse Bayerni gjithashtu po shqyrton edhe mundësinë e nënshkrimit me portierin e Man Cityt, Stefan Ortega.

“Sky Deutschland” të enjten shkruan se De Gea nuk ishte temë e nxehtë për ‘Bavarezët’, por tani po diskutohet për të.

“De Gea ka dhënë dritën jeshile për kalimin e tij te Bayerni. Kushtet personale nuk do të jenë problem”, raporton ‘Sky Deutschland’.