David Villa u vu para një zgjedhje të vështirë: Ronaldo apo Messi dhe Haaland apo Mbappe

Në një intervistë të fundit për Goal.com, legjenda spanjolle David Villa ka dhënë mendimin e tij për debatin e pafund mes Cristiano Ronaldos dhe Lionel Messit, duke zgjedhur se kush është më i miri në histori të futbollit.

Portugezi dhe argjentinasi, dy nga futbollistët më të mëdhenj të të gjitha kohërave, kanë krijuar një rivalitet magjepsës gjatë dy dekdavae të fundit. Ish-lojtari i Spanjës, David Villa, i cili u tërhoq nga futbolli profesionist në vitin 2019, iu kërkua të zgjidhte mes dy superyjeve. Pa asnjë hezitim, Villa zgjodhi ish-bashkëlojtarin e tij.

Villa dhe Messi luajtën së bashku në Barcelonë ndërmjet viteve 2010 dhe 2013, dhe ata patën një sukses të madh së bashku. Villa iu bashkua La Blaugrana nga Valencia në vitin 2010 dhe fitoi Ligën e Kampionëve në sezonin e tij të parë, duke shënuar në finale kundër Manchester United së bashku me Messin.

Në të njëjtën intervistë, Villas iu kërkua të zgjidhte mes Kylian Mbappe dhe Erling Haaland, dy superyjet e brezit aktual. Ai zgjodhi sulmuesin francez.

Ish-lojtari i Valencias ishte një nga lojtarët më të mirë të gjeneratës së tij dhe është golashënuesi rekord i vendit të tij me 59 gola në 98 ndeshje. Ai ishte një anëtar i rëndësishëm i skuadrave spanjolle që fituan Euro në 2008 dhe Kupën e Botës FIFA në 2010, dhe është golashënuesi i tyre më i mirë në historinë e Kupës së Botës.

Pavarësisht moshës së tyre të avancuar, Ronaldo dhe Messi mbeten shumë të rëndësishëm në futbollin botëror, pasi ata morën vlerësime të mëdha në 2023.