Darmian: Fitore e rëndësishme në rrugën tonë

Mbrojtësi i Interit, Matteo Darmian, është shprehur i lumtur me fitoren ndaj Bologna-s.

Interi të shtunën mundi në udhëtim Bologna-n (0-1), duke bërë edhe një hap të madh në garën për titull të kampionit.

“Është një fitore shumë e rëndësishme në rrugën tonë. Ishte një ndeshje e vështirë, ndaj një ekipi të shkëlqyer, por sot ishim të vendosur dhe treguam shpirtin e duhur”, ka thënë Darmian.

Ai ka kërkuar nga skuadra e tij, që tashmë të mendojnë për duelin me Atletico Madridin në kuadër të Ligës së Kampionëve.

“Tani duhet të mendojmë për një ndeshje të rëndësishme siç ajo e së mërkurës”, ka theksuar mbrojtësi italian.

Pas fitores ndaj Bologna-s, Interi kryeson tabelën me 75 pikë i ndjekur nga Juve me 57 sosh.