Conte: Fitore e merituar, duhet të jemi më agresivë

Trajneri i Napolit, Antonio Conte, duke folur për ‘DAZN’, ka thënë është i kënaqur me fitoren ndaj Fiorentinës, por ai kërkon nga  të besuarit e tij që të jenë me agresivë para portës kundërshtare.

‘Napolitanët’ mundën Fiorentinën 2-1, të dielën në garën për kreun e tabelës në Serie A.

“Pashë një ekip që padyshim e meritonte fitoren. Nuk duhet të harrojmë se së fundmi kemi humbur pikë në minutat e fundit”, ka thënë Conte.

“Djemtë ishin shumë të mirë, krijuan shumë dhe, për sa i përket golave, duhet të jemi më agresivë”, ka theksuar strategu italian.

Pas kësaj fitore, Napoli është në vendin e dytë me 60 pikë, vetëm një pikë me pak së lideri i tabelës, Inter.