Cikalleshi shënon golin e radhës, Manaj dhe Muçi titullarë

Sokol Cikalleshi shënon golin e radhës në kampionatin turk.

Sulmuesi shqiptar ka shënuar golin e tretë në fitoren 3-0 të Koniasporit përballë Samsunsporit.

Ky është goli i 12-të në kampionat këtë sezon për sulmuesin kavajas. Muja ka luajtur për 10 minuta në këtë ndeshje me fanellën e Samsunsporit.

Titullarë me skuadrat e tyre në Superligën turke kanë qenë edhe Rei Manaj dhe Ernest Muçi. Sivaspori i Manajt është mundur 1-0 në shtëpi, ndërsa Besiktasi i Muçit ka barazuar 1-1 në transfertë.

Të dy lojtarët kanë luajtur gjatë gjithë takimit, por pa arritur që të gjejnë rrugën e rrjetës.