Chelsea eliminon Brightonin, kualifikohen edhe Liverpool e Arsenal

Chelsea ka fituar në derbin ndaj Brighton, derisa kualifikimin në fazën tjetër me sukses e kanë arritur edhe Arsenal dhe Liverpool.

“Blutë” e Londrës triumfuan me rezultat minimal 1:0, por fitore shumë e rëndësishme duke marrë parasysh gjendjen që po kalojnë.

Nicolas Jackson ishte hero te Chelsea, duke realizuar golin vendimtar pas asistimit të Cole Palmer (51’).

I njëjti në fakt shënoi sërish, mirëpo që u anulua nga VAR-i për pozitë jashtë loje.

Në minutën e 87-të u inkuadrua edhe shqiptari Armando Broja, i cili ka nisur të zërë vend në skuadrën e Pochettinos.

Ndërsa, Liverpool triumfoi me rezultat komod prej 3:1 ndaj Leicester Cityt.

Mysafirët kaluan në epërsi të parët përmes McAteer që shënoi nga afërsia pas një super asistimi të Akgun (3’).

Sidoqoftë, Liverpool e përmbysi këtë rezultat në pjesën e dytë. Fillimisht Gakpo barazoi pas asistimit të Gravenberch (46’).

Ndërsa, ishte Dominik Szobszlai që realizoi një eurogol për të bërë rikthimin fantastik (70’).

Fitoren e Liverpoolit e vulosi krejt në fund Diogo Jota pas një asistimi të Quansah (89’), shkruan nacionale.

Kurse, Arsenal më shumë mund ka arritur ta eliminojë skuadrën e Brentfordit.

“Topçinjtë” dominuan shumicën e kohës për të fituar në fund me rezultat 0:1.

Reiss Nelson shënoi golin e vetëm në këtë ndeshje pas asistimi të Nkeitah (8’).

Vlen të ceket se londinezët ishin më shumë me lojtarë të ekipit të dytë, shkaku i mungesave të shumta.