Calhanoglu: Titulli shumë pranë, qëndroj tek Interi

Hakan Calhanoglu e sheh shumë pranë fitimin e titullit kampion me Interin në Serie A.

“Mungon edhe pak, por ka edhe shumë ndeshje të tjera të rëndësishme për të luajtur, do ta mendojmë në kohën e duhur”, tha ai.

“A do të ishte një kënaqësi e veçantë ta fitonim titullin dhe Milani të mbyllte kampionatin në vendin e dytë? Jo, le të shohim …Jam i qetë, si gjithë ekipi dhe po mendojmë vetëm për veten”.

Mesfushori turk kujton edhe eliminimin nga Liga e Kampioneve.

“Eleminimi nga Champions League me penallti? Ne u përpoqëm por kështu është futbolli, do të provojmë sërish sezonin e ardhshëm dhe tani do të mendojmë për kampionatin. A do të qëndroj te Interi? Sigurisht”, ka theksuar Calhanoglu për mediat italiane.